Rreth një muaj pas fitores të bujshme dhe të diskutuar të Donald Trump në Shtetet e Bashkuara të Amerikës, kryeministri italian që shprehu hapur mbështetjen ndaj Clinton-it, dha dorëheqjen.
Në një intervistë të dhënë para zhvillimit të zgjedhjeve presidenciale, kryeminstri italian Matteo Renzi, i cili ishte ndër të paktët liderë në botë që deklaroi haptazi përkrahjen ndaj kandidates demokrate, u shpreh:
“Unë do të mirëpres liderët e G7-ës në Taormina në maj të vitit 2017 dhe padyshim si demokrat, shpresoj se mund të mirëpres presidentin e ri, kushdoqoftë.”
E pak pas fitores së Donald Trump, Renzi deklaroi se nuk dëshironte të komentonte fitoren e Trumpit: “Pavarësisht se bindjet e mia politike janë përputhur më së shumti me ato të presidentit Barack Obama, mendoj se ka ende shpresë për Trump. Shpresoj që presidenti i zgjedhur të jetë një tjetër Ronald Reagan. Nuk dua të diskutoj fitoren e tij. Kjo është një lojë e bukur e demokracisë. I uroj fat të mbarë.”
“Ata që guxojnë, kokëfortët, janë ata që udhëheqin botën. Ne jemi barbarët.”, shkroi Beppe Grillo, kreu i “Five Star Movement” që në dallim nga Renzi, përshëndeti fitoren e manjatit Trump, të cilën e cilësoi si hakmarrje ndaj qëndrimit rebel të kryeministrit italian.
Sipas analistëve vendas, qëndrimi pro-Clinton i Renzit gjatë gjithë fushatës elektorale në SHBA, ka dobësuar pozitat e Italisë.
Presidenti i Shteteve të Bashkuara të Amerikës, Donald Trump, pritet të vizitojë Italinë në Maj 2017, kur vendi do të mirëpresë zhvillimet e Samitit 2017.
Discussion about this post