Zinedine Zidane shokoi Real Madridin të enjten duke njoftuar se po largohet nga Bernabeu, vetëm pesë ditë pasi fitoi një titull të tretë të Ligës së Kampionëve.
45-vjeçari, i cili zëvendësoi Rafael Benitez në Bernabeu në janar 2016, pretendoi se klubi ka nevojë për një “zë të ndryshëm” në një konferencë shtypi që askush nuk e priste.
“Ajo që unë mendoj është se ky ekip duhet të vazhdojë të fitojë, por mendoj se ka nevojë për një ndryshim, një zë tjetër, një metodologji tjetër”, tha Zidane gazetarëve.
Lajmi i largimit të Zidane erdhi si një goditje çekiç për presidentin e Madridit Florentino Perez dhe lojtarët.
Por sipas asaj që shkruan ‘The Mirror’ arsyeja e largimit ka të bëjë me dy yjet e Realit të Madridit Cristiano Ronaldo dhe Gareth Bale.
Zinedine Zidane ka refuzuar një kërkesë të presidentit Perez, që sipas asaj që shkruan ‘The Mirror’ kishte kërkuar që të linte në stol Ronaldon dhe të startonte ndeshjet me Bale, pasi ky I fundit la të kuptohej se mund të largohej nëse nuk luan.
Zidane në mënyrë të qartë nuk donte të ishte njeriu përgjegjës për këtë dhe vendosi të largohej nga klubi.
Në sytë e Zidane, Ronaldo ishte akoma njeriu kryesor – dhe mendimi i tij padyshim nuk kishte ndryshuar pavarësisht se çfarë ndodhi në Kiev. (B.H/Faxweb)
Discussion about this post