Ndodh në Shqipëri! Drejtonte autoambulancën e maternitetit në gjendje të dehur, shoferi përplas 3 makina (VIDEO)

Një ngjarje e pazakontë është shënuar së fundmi në kryeqytet, ku shoferi i një autoambulance që flitet se i përket një materniteti në Tiranë, ka përplasur me këtë mjet tri makina të tjera teksa ishte në gjendje të dehur.

Ngjarja mësohet të ketë ndodhur në zonën e Kodrës së Diellit në Tiranë. Fatmirësisht, si pasojë e përplasjeve janë shkaktuar vetëm dëme materiale.

Policia ka kryer arrestimin në flagrancë të shtetasit Islam Alla, 47 vjeç, banues në Tiranë.

Mësohet se Policia Rrugore i ka bërë drejtuesit të autoambulancës testin e alkoolit nga ku ka rezultuar se 47-vjeçari drejtonte mjetin nën ndikimin e alkoolit në masën 1.00mg/l.

“Janë kryer veprimet e nevojshme administrative dhe përpiluar dokumentacionet për siguracion për zhdëmtimin e tre mjeteve të përplasura nga ky drejtues mjeti.

Materialet proceduriale i’u kaluan Prokurorisë pranë Gjykatës së shkallës së parë Tiranë, për veprën penale “Drejtim i mjetit në mënyrë të parregullt”, parashikuar nga Neni 291 i Kodit Penal.”, bëhet me dije ndër të tjera në njoftimin e policisë.

Detajet e Policisë së Tiranës:

Drejtonte autoambulancën në gjendje të dehur dhe përplaset me tre mjete. Arrestohet në flagrancë nga Policia. Më datë 07.01.2017, Shërbimet e Komisariatit Rajonal të Policisë Rrugore Tiranë, kanë arrestuar në flagrancë shtetasin: – Islam Alla, 47 vjeç, banues në Tiranë, drejtues i një autoambulance tek një maternitet në Tiranë.

Ky shtetas duke drejtuar autoambulancën, në zonën e “Kodrës së Diellit”, ka përplasur tre mjete, ku si pasojë e përplasjes ka patur vetëm dëme materiale dhe jo dëme në njerëz. Policia Rrugore i ka bërë drejtuesit të autoambulancës testin e alkoolit me aparat Dragger, ku ka rezultuar se Islam Alla, drejtonte mjetin nën ndikimin e alkoolit në masën 1.00mg/l.

Gjithashtu janë kryer veprimet e nevojshme administrative dhe përpiluar dokumentacionet për siguracion për zhdëmtimin e tre mjeteve të përplasura nga ky drejtues mjeti. Materialet proceduriale i’u kaluan Prokurorisë pranë Gjykatës së shkallës së parë Tiranë, për veprën penale “Drejtim i mjetit në mënyrë të parregullt”, parashikuar nga Neni 291 i Kodit Penal.

(XH.A/SHUPLAKA)