Mediat angleze kane publikuar fotot dhe videot e dy javeve të fundit para vdekjes së George Michael. Në fotot e publikuara nga “Sunday Mirror”, Michael duket i lumtur dhe i qeshur duke pirë “Espresso Martini”në një club. Këngëtari në këto pamje duket në formë të mirë teksa darkon me një mik në Goring, Oxfordshire.
“George që pamë ne para vdekjes ishte i lumtur dhe duke qeshur, ishte në humor të mirë ne shoqerinë e një miku dhe po kalonin mirë. Unë nuk e njoh njeriun me të cilin ai ishte, sigurisht që nuk ishte i dashuri i tij Fadi. Nuk ishte takim romantik nuk ka pasur gjeste romantike apo ndonjë detaj se ishin më shumë se miq”,ka thënë një dëshmimtar.
Ylli i muzikës britanike vdiq në moshën 53-vjeçare ditën e Krishtlindjes, në shtëpinë e tij në afërsi të Oksfordit. Fillimisht pas lajmit të vdekjes së tij u tha se 53-vjeçari kishte vdekur nga zemra. Por njoftimi i sotëm i “Thames Valley Police” nënkupton se një hetim i plotë do të duhet kryer tashmë për shkaqet e vdekjes, pasi nuk janë pikasur shenja të vdekjes për shkaqe natyrale, shkruan Top Channel.
George Michael është një nga këngëtarët më të njohur të muzikës Pop, e ka shitur rreth 100 milionë albume gjatë karrierës së tij. Ai njihet si një muzikant i madh, por edhe një bamirës i jashtëzakonshëm. Si një ndihmë e spikatur për refugjatët nga Kosova, pas konfliktit në ish-Jugosllavi, ai ka dhuruar personalisht gjysmë milioni stërlinash, ndërsa performoi në koncertin “live” në “Wembley” për të siguruar fonde për krizën e refugjatëve. (J.V/Shuplaka)
Discussion about this post