Drejtoresha e ”Zërit të Amerikës”, Amanda Bennett, gazetare me shumë përvojë, fituese e çmimit ”Pulitzer”, rrëfen për gazetaren Ilva Tare të ”Ora News” detaje nga puna e saj dhe çfarë kanë sjellë përmes ”VOA”-s për njerëzit.
Është e vështirë të raportosh me fakte, thotë Bennet, ndërsa komenton: ”Mendoj se është e vështirë të luftosh perceptimet e gabuara të dikujt. Mendoj se e vetmja gjë që ne mund të bëjmë, është të bëjmë punën më të mirë për të qenë ata që jemi. Nëse i thua njerëzve “E ke gabim!”, kjo nuk të ndihmon. Ajo që të ndihmon është se nëse shihni gazetarinë tonë, mund ta shihni, mund të thoni se është objektive. Nuk tregojmë një krah apo tjetrin. Ne themi gjërat e mira për Shtetet e Bashkuara, ne themi gjërat e këqija. Themi gjërat e mira të administratës, themi gjërat e këqija. Kur administrata tregon të vërtetën dhe bën gjëra të mira, ne e themi këtë. Kur administrate thotë gjëra të pasakta, ne e themi gjithashtu. Mendoj se është e drejtë. Në fund, mund të argumentosh me njerëzit për një përshtypje të keqe, por askush nuk do të të besojë pa e parë se çfarë ti bën. Pra është puna jonë ajo që na bën të besueshëm.”
Lidhur me audiencën e madhe mes shqiptarëve, Bennet thotë se është shokuar.
”Mendoj se shqiptarët janë shumë të interesuar për lajmet e drejta dhe objektive. Janë shumë të interesuar në situatat politike rreth tyre, duan të dëgjojnë historinë e vërtetë dhe mendoj se na besojnë. Këtu ne i kthehemi çështjes së lajmeve të drejta, objektive dhe të bazuara në fakte. Kur i ke këto, ke besim dhe njerëzit duan të kenë mundësinë të besojnë.”, argumenton ajo.
INTERVISTA E PLOTË NË VIDEO-”ORA NEWS”:
Discussion about this post