Një tërmet i fuqishëm është ndjerë para pak minutash në disa qytete të vendit tonë. Raportime për lëkundje ka pasur në Lezhë, Shkodër, në Pukë,në Tiranë, në Durrës, në Berat dhe në disa qytete të tjera të vendit.
Mësohet se epiqendra e tërmetit ka qenë në qytetin e Podgoricës në Malin e Zi, 20 kilometra larg nga qyteti i Shkodrës. Magnituda e tërmetit ka qenë 5.1 ballë, ndërsa koha kur ka rënë tërmeti është 14:47 minuta.
Derimë tani nuk raportohen dëme materiale nga ana e qytetarëve, as në vendin tonë dhe as në vendin fqinj.
Kohët e fundit ka pasur një sërë lëkundjesh sizmike që kanë tronditur Shqipërinë, duke shkaktuar jo pak panik në radhët e qytetarëve.
Një nga zonat më të prekura nga lëkundjet ka qenë ajo e Gjirit të Lalëzit.
(E.K/FAXWEB.AL)
