kryetari i PBDNJ-së, Vangjel Dule i ftuar në “Top Story” këtë mbrëmje përballë ministres së Kulturës, Mirela Kumbaro, ai kundërshton planin dhe ndan qëndrimin e OMONIA-s.
Dule thotë se ky plan synon shpronësimin e qytetarëve që e identifikojnë veten si grekë, e ndau problematikën në tre aspekte.
“Kemi tre aspekte. Është aspekti i projektit të zhvillimit vendor që u miratua me atë mbledhje problematike dhe nga kendvështrimi administrativ të paligjshme dhe e cila krijon shumë probleme, kemi lotin e dytë të rehabilitimit urban në Himarë dhe së treti është projekti drejtpërdrejtë i Ministrisë së Kulturës për rehabilitimin e fasadave dhe qendrave historike në Vuno, Dhërmi dhe Himarë. Të gjitha këto janë kundërshtuar nga banorët e Himarës, sepse fshehin politikat kontradiktore, selektive dhe klienteliste. Në Himarë ka pasur gjithmonë probleme me identitetin”, tha Dule.
Ndërkohë ministrja e Kulturës kundërshtoi Vangjel Dulen, duke thënë se plani synon vetëm zhvillimin e zonës dhe po përdoret politikisht., duke shtuar se janë ndjekur të gjitha proceduart e nevojshme. Po ashtu ajo tha se nuk ka minoritet grek në Himarë.
Në Himarë nuk ka minoritet grek. Në Himarë ka qytetarë grekë që si gjithë qytetarët shqiptarë i nënshtrohen ligjeve të këtij vendi”, tha ajo.
(S.SH/Shuplaka)
Discussion about this post