Dy aksidente me pasojë vdekjen e dy të moshuarve janë shënuar së fundmi në vendin tonë, kryesisht në Fushë-Krujë dhe Mamurras.
Njëri aksident është shënuar në Fushë-Krujë, ku si përplasjes së fortë, ka humbur jetën këmbësori 63-vjeçar, identiteti i të cilit nuk dihet. Është vënë në pranga drejtuesi i mjetit, i identifikuar si K. Deda 23 vjeç.
Aksidenti tjetër me pasojë vdekjen është shënuar në orët e para të ditës së sotme në fshatin Luz të Mamurrasit. Ngjarja ka ndodhur rreth orës 03:20 të mëngjesit ku shtetasi me iniciale G. M. 34 vjeç, banues në Laç, duke drejtuar mjetin tip Hyundai ka aksidentuar këmbësor Q.B. 67 vjeç, banues në Mamurras.
I moshuari është dërguar me urgjencë drejt Tiranës për ndihmë mjekësore, por nuk ka mundur t’i rezistojë plagëve të marra.
Drejtuesi i mjetit është shoqëruar në ambientet e Komisariatit për sqarimin e plotë rrethanave të ngjarjes. (XH.A/SHUPLAKA)
