Dy drejtorë të Ramës lënë detyrën. Kush janë dy socialistët me peshë

Mësohet se ditët e fundit ka patur zhvillime nga administrata publike. Dy prej drejtorëve socialistë me ndikim, kanë dhënë dorëheqjen.

Alban Ramohitaj, drejtori i Spitalit Rajonal të Durrësit ka dhënë dorëheqjen të mërkurën. Luiza Popja, drejtoresha e Drejtorisë së Shërbimeve të Transportit Rrugor në Elbasan ka dhënë dorëheqjen ditën e sotme. Të dy, u zgjodhën në këto detyra menjëherë pas nisjes së mandatit të qeverisë ‘Rama 2’ në shtator.

Nga të dy ish-titullarët e këtyre institucioneve, nuk janë dhënë argumente sa u përket arsyeve të largimit nga detyra por mediat spekulojnë për përplasje të brendshme të grupeve rivale në Partinë Socialiste.

Ramohitaj mban postin e kryetarit të Këshillit Bashkiak të Durrësit dhe ishte gjithashtu pjesë e listës kandidatëve për deputet në këtë qark ndërsa Popja është këshilltare bashkiake në Bashkinë e Elbasanit.

(E.L./Faxweb)