Dy vëllezërit dhe kushëriri kërcënojnë me armë zjarri 49-vjeçarin në Kukës

Policia ka shpallur në kërkim dy vëllezër dhe kushëririn e tyre në Kukës, pasi pas një sherri të momentit kanë kanosur një 49-vjeçar.

Për motive të dobëta, ata kanë kanosur 49-vjeçarin dhe kanë goditur me automjet, makinën e tij. Më pas kanë qëlluar me armë zjarri duke shkaktuar thyerjen e një xhamit të një automjeti të parkuar.

Në kërkim janë shpallur shtetasit L. M., 27 vjeç dhe Gj. M., 30 vjeç, vëllezër, si dhe kushëririn e tyre, shtetasin S. M., 31 vjeç, të tre banues në fshatin Shtiqen.