14 persona janë vënë në prangat e autoriteteve të sigurisë në Austri pas dyshimeve për terrorizëm. Vënia e tyre në pranga u krye gjatë një sërë bastisjesh në Vjenë dhe Graz.
800 policë u angazhuan mëngjesin e 26 janarit në kuadë të një hetimi që vazhdon ende. Por sipas hetuesve nuk ka rrezik për ndonjë sulm terrorist të mundshëm.
Tetë veta të moshave nga 21 deri në 49 vjeç u vunë menjëherë në pranga. Tre u identifikuan si shtetas austriakë me origjinë të huaj, dy shtetas të Bosnjë Hercegovinës, një sirian, një bullgar dhe një maqedonas.
Ndër 6 të arrestuarit e tjerë, tre mësohet se ishin femra. Prokurorët bënë me dije se dy prej tyre janë bashkëshortet e dy të dyshuarve. (XH.A/SHUPLAKA)
Discussion about this post