Pas përfundimit të vizitës në Kukës dhe postimit të një statusi në Twitter duke e quajtur aktivitetin e organizuar në këtë qytet si një supertakim, Kryeministri Rama ka reaguar sërish, por këtë herë duke sulmuar personalisht kryebashkiakun Bashkim Shehu.
Rama shkruan në Twitter se Shehu është një kryebashkiak qesharak i një partie qesharake që sipas tij, “i zë rrugën Kukësit me administratën, në vend që të ishte me qytetarët për në çeljen e punimeve të aeroportit ndërkombëtar”.
Postimi i plotë:
“Një kryebashkiak qesharak i një partie qesharake del e ze rrugën e Kukësit me administratën, në vend se të ishte me mijëra qytetarët kuksianë në çeljen e punimeve të aeroportit ndërkombëtar!Merren me prita rrugësh në shekullin e XXI e pastaj duan vota nga ky popull?Oh ç’derexhe!”, shkruan Rama në Twitter
Theksojmë se Rama në këtë takim mbërriti në qytetin e Kukësit dhe ka vetëm pak minuta që është larguar po me helikopter, mbase për të shmangur përplasjen me protestuesit që i bllokuan rrugën.
Kujtojmë se Shehu u shpreh më herët se Rama nuk është i mirëpritur në Kukës, pasi sipas tij mashtron qytetarët pasi në aeroportin e Rinasit sipas tij janë të punësuar 1077 persona ndërkohë që në Kokës ka deklaruar se do të punësohen 12 muijë qytetarë (lexo këtu).
Gjatë vizitës në këtë qytet, kryministri përveç konfirmimit të kandidatit Safet Gjici për garën lokale, ka folur gjithashtu dhe për ndërtimin e një aeroporti ndërkombëtar që do i japë frymëmarrje ekonomisë në këtë zonë.
Kujtojmë që kryeministri është pritur me protesta nga banorët, të cilët kanë patur dhe përplasje me policinë.
(F.GJ/FAXWEB.AL)
Discussion about this post