Turqia ka urdhëruar arrestimin e 176 anëtarëve të personelit ushtarak për shkak të lidhjeve të dyshuara me grushtin e shtetit tre vite më parë, tha të martën (9 korrik) zyra e kryeprokurorëve të Stambollit.
Ndër ata që u përballën me arrestimin ishin një kolonel, dy nënkolonelë, pesë majorë, shtatë kapitenë dhe 100 togerë në një operacion që përfshinte ushtrinë, forcën ajrore dhe flotën, thuhet në deklaratë.
Ankaraja thotë se kleriku musliman me bazë në SHBA, Fethullah Gulen, e ka organizuar grushtin e dështuar ndaj shtetit më 15 korrik 2016 pavarësisht se ky I fundit e ka mohuar përfshirjen.
Në pastrimin 3-vjeçar që nga përpjekja e grushtit të shtetit, më shumë se 77,000 njerëz janë burgosur në pritje të gjykimit dhe rreth 150,000 nëpunës civilë, anëtarë të personelit ushtarak dhe të tjerë janë shkarkuar ose pezulluar nga puna e tyre.
Aleatët e Perëndimit dhe grupet e të drejtave të Turqisë kanë kritikuar shkallën e goditjes, duke thënë se presidenti Tayyip Erdogan ka përdorur grushtin e shtetit si një pretekst për të shuar mospajtimin.
Ankaraja e ka mbrojtur goditjen si një përgjigje të domosdoshme ndaj shkallës së kërcënimit të sigurisë me të cilën përballet Turqia, duke u zotuar të zhdukë rrjetin e Gylenit.
(F.GJ/FAXWEB.AL)
