Midis deputetëve që fituan mandatet në këto zgjedhje të Maqedonisë, bëjnë pjesë edhe dy shqiptarë të famshëm.
Bëhet fjalë për mamanë e këngëtarit të njohur Shpat Kasapi dhe për ish-moderatorin e njohur të emisioneve politike në Alsat, Muhamed Zekirin.
Të dy këta shqiptarë bëjnë pjesë në radhët e partisë së Zaevit, LSDM.
Zekirin është i treti në listë në njësinë numër 2, pas dy ministrave aktualë të LSDM-së, atij të policisë Oliver Spasovski dhe asaj të Sociales Frosina Remenski.
Ndërsa Gjylimsere Kasapi është në vendin e dytë në njësinë numër 6, duke pasuar zëdhënësin partiak, Petre Shilegov.
Mediat shqiptare në Maqedoni, i kanë etiketuar dy deputetët e zgjedhur si tradhtarë të shqiptarëve. Ndoshta ky është edhe shpjegimi se pse LSDM fitoi kaq shumë vota në vendbanimet e shqiptarëve. Duke patur në radhët e saj edhe dy figura kaq të dashura për shqiptarët, LSDM i ka tunduar këta të fundit të votojnë për të.
