Një operacion antidrogë i kuduar “Vunoi” ka sekuestruar 16 kilogram lëndë narkotike dhe ka vendosur në pranga një person me iniciale A.A.
Lënda narkotike i’u sekuestrua 29-vjeçarit në makinë në aksin rrugor Himarë-Dhërmi teksa informacionin policia e kishte marrë në rrugë operative.
Ndërkaq për këtë çështje materialet në ngarkim të këtij shtetasi iu referuan Prokurorisë për veprën penale “Prodhimi dhe shitja e narkotikëve”.
Informacion paraprak:
Operacion antidrogë i koduar “Vunoi”.
Sekuestrohen 16 kg lëndë narkotike Cannabis Sativa në një automjet.
Vihet në pranga poseduesi i lëndës narkotike.
Shërbimet e Komisariatit të Policisë Himarë, në bashkëpunim me forcat e FNSH-së Fier, në vijim të kontrolleve të shtuara për kapjen e personave që qarkullojnë me armë apo që tentojnë të trafikojnë lëndë narkotike, bazuar edhe në informacione të marra në rrugë operative, janë vënë në ndjekje të një automjeti të dyshimtë në aksin rrugorë Himarë-Dhërmi, të cilin e kanë ndaluar në kthesën e Jalit.
Nga kontrolli i ushtruar në automjet, është gjetur në bagazh një sasi lënde narkotike prej 16 kg e dyshuar si Cannabis Sativa.
Në vijim të veprimeve procedurale, Seksioni Kundër Narkotikëve dhe Trafiqeve Vlorë, ka arrestuar në flagrancë drejtuesin e mjetit shtetasin A. A., 29 vjeç, banues në fshatin Vokopolë, Berat.
Materialet në ngarkim të këtij shtetasi iu referuan Prokurorisë për veprën penale “Prodhimi dhe shitja e narkotikëve”.
Discussion about this post