E keni parë propozimin e Bashës? Bardhi: E ftoj të vijë në betejë në parlament, jo në zyra të mbyllura!

Gazment Bardhi ka dhënë një deklaratë për mediat, përfundimit të mbledhjes së katërt me grupin e ish-Kryeministrit Sali Berisha. Ndër pyetjet e bëra, ka qenë dhe një referuar Lulzim Bashës dhe projektit të tij, për të vendosur demokraci në kushte optimale. Mbi këtë temë, Bardhi i cili prej kohësh është gjendur mes “përplasjesh” me kreun demokrat, thotë se nuk i ka ndjekur këto propozime, megjithatë ai e fton Bashën që të shkojë në parlament dhe nga aty të bëjë betejën, e cila nga krahu i opozitës është përqendruar te ngritja e komisioneve hetimore.

Gazetarja: E keni parë projektin e propozuar prej Lulzim Bashës dhe a jeni dakord, duke qenë se më parë e keni mbështetur?

Gazment Bardhi: Nuk kam parë asnjë projekt të propozuar prej tij, por e ftoj z.Basha që të vijë në parlament, jo në zyra të mbyllura! Betejën ta bëjë me ne të tjerët atje, duhet të vijë sepse e ka dhe për detyrë.