E regjistron fshehurazi, gazetari nxjerr skemën e korrupsionit të policit në Golem, si manipulon me gjobat duke marrë rryshfet (VIDEO)

Një rast flagrant i korrupsionit dhe rryshfetit ka mbërritur te ‘’SHUPLAKA’’. Gjithçka nis me ndalimin e një gazetari në rrugë nga policia rrugore duke i kërkuar patentën. Në mungesë të saj, ai i ka kërkuar policëve që të kthehet ta marrë atë në banesë.

Ngjarja ka ndodhur në aksin rrugor Kavajë-Golem. Mirëpo policët duket se nuk kanë pritur derisa gazetari të kthehej në banesë dhe të tregonte patentën, por i kanë vendosur atij paraprakisht një gjobë. Gjoba prej 1000 mijë lekësh është shkruar për shkeljen ‘’Nuk ndez fenerat’’, pasi kujtojmë se shkelja e drejtimit të mjetit pa patent, gjobitet shumë rëndë.

Gazetari pasi është kthyer dhe iu ka treguar policëve patentën, iu ka dhënë atyre një shumë prej 500 lekësh, të cilën ata e kanë marrë.

Pra edhe gjobë, edhe rryshfet, për t’i shpëtuar një dënimi akoma më të rëndë, siç është drejtimi i mjetit pa patentë.

Kjo tregon edhe njëherë tjetër  se do të duhet një kohë e gjatë që ryshfeti në Shqipëri ‘’të mos bëjë punë’’. Polici që ka vendosur gjobën është R.Çollaku. Vetë polici në bisedë me gazetarin i është trembur një mundësie përgjimi. 

BISEDA E PLOTË E REGJISTRUAR PA DIJENINË E POLICIT:

Gazetari: Do më vesh gjobë apo do pish një kafe të jap një 5 mijë lekësh, unë të thashë thjesht pa dashje?

Polici: Po ta vë një gjobë të vogël, një 10 mijë lekësh, s’kam si e rregulloj ndryshe, po ta vëj kështu…për dritat.

Gazetari: Po unë të thashë thjesht pa dashje.

Polici: Jo jo të kam vënë një gjobë të vogël se do e hash më keq ashtu për patentën shkon 800 mijë lekë.

Gazetari: S’ke si e rregullon ndryshe thashë t’i binim më për shkurt, thashë se e kishe më të mundshme ashtu.

Polici: Po jo të thashë e kam të pamundur, kam dhe unë kontroll se vjen ndonjë sheh letrat thotë pse e ke mbajtur këtu. Nuk i njohim të gjithë njerëzit a kupton.

Gazetari: Thashë se e kishe më të mundshme ashtu.

Polici: Nuk i njofim njerëzit mo burrë.

Gazetari: Po unë këtu jetoj mo burrë te kompleksi në Golem, pavarësisht se nuk rrij shumë aty.

Polici:  E kupto sesa të besova unë ty ë?

Gazetari: Ë se s’ka problem. 

Polici: Se po të besoja të kisha pritur sa të vije me patentën.

Gazetari: Merreni dhe një kafe meqë e nisa.

Polici: Rrofsh faleminderit, unë e bëra punën time. 

(E.K/SHUPLAKA)