E rëndë/ Rrëzohet kabina e teleferikut, dyshohet për 8 të vdekur dhe 2 fëmijë të plagosur rëndë

Një ngjarje e rëndë ka ndodhur këtë të diel në provincën Verbania-Cusio-Ossola të Italisë.

Një kabinë në teleferikun Stresa-Mottarone u shkëput në pikën më të lartë të saj, ndërsa me të ishin duke lëvizur 11 persona. Deri tani janë konfirmuar 8 persona të vdekur, ndërsa të plagosur në gjendje të rëndë ndodhen edhe 2 fëmijë.

Një helikopter mbërriti menjëherë në zonë dhe dërgoi dy fëmijët e plagosur në spitalin e Torinos. Sipas mediave italiane, aksidenti dyshohet të ketë ndodhur për shkak të këputjes së një kavos.