Këngëtari Landi Hysi apo siç njihet ndryshe për publikun e gjerë Landi West Side Family është mjaft aktiv në rrjetet sociale. Këngëtari shpesh herë nëpërmjet llogarisë së tij zyrtare në Instagram poston foto për ndjekësit nëpër aktivitete të ndryshme muzikore apo projekte e nisma të cilat ai i përkrah.
Por më së shumti Landi ndan me fansat dhe momente nga përditshmëria e tij. Së fundmi ai ka publikuar një foto në Instastory ku sjell ndër mend “ish” liderin e grupit West Side Family, shokun dhe mikun e tij të ngushtë këngëtarin DrFlori. Mesa duket rrugët e qyteti e kanë bërë nostalgjik Landin pasi ai ka shkruar një tekst prekës për mikun e tij Florian Kondi, i cili pavarësisht prezencës fizike është pranë publikut më këngët e tekstet e tij të pavdekshme.
Po ecim në këto rrugë ku çdo ditë më shumë mungon, por një gjë besomë e di një ditë prap do të të takojmë” shkruan Landi. (M.Q/Faxweb)
