”Edëvinin nuk e kishte zënë gjumi… T’marr Saimëirin. Mo mirë jo, se fillon qan Ërioni. Rëndë situata”

Të ndera janë raportet në koalicionin PS-LSI dhe nuk dihet ende nëse Rama do të ulet me Bashën për negociata. Por sigurisht që kjo situatë, kur Meta  e ka bërë të qartë se nuk hyn në zgjedhje pa opozitën, nuk po rri jashtë vëmendjes së dhjetra personazheve të njohur të publikut. Së fundi aktori i humorit Julian Deda ka publikuar një tregim të krijuar me kryeministrin këtë mëngjes , e cila është tejet ironizuese dhe therëse.

TREGIMI:

”Liderin tonë global Edëvinin nuk e kishte zënë gjumi gjithë natën. Me zi kishte pritur mëngjesin, që t’i telefononte dikujt. Kujt thoni ju? Ç’rëndësi ka, kujtdo, thjesht të mos mbante akoma i vetëm mbi supe peshën e rëndë që i lëshoi dje Ilëiri.

Ora 07:00, kë të merrte në telefon?! Papritur tha me vete:

T’marr Saimëirin. Mo mirë jo, se fillon qan Ërioni.

Atëherë po i bi i herë Lëali Ërit. Lene mor kët, se po ja rris por*ën pak si tepër, u bo ky.

T’marr mo mirë Panëdëliun? Ky do jetë në gjumë si xhaketë e vjetër që osht.

E gjeta do marr Bëraçën. Pff, jo mor jo lene, s’ke ç’e do kët, osht kot.

Apo të marr një herë Koço Kokëdh…..jo, apo Blush….jo jo, harrova se këta duhet t’hiqen sikur nuk flasim me mu.

Ti boj një tel këtij Shëpëtim çomit? Amon edhe ky ka fillu me bo si Mëta.

Dhe kur lideri global konstatoi se tashmë nuk kishte me kujt t’i telefononte dhe kishte ngelur vetëm në mes të Surrelit, iu ndez një dritë e vogël shprese, një fije e hollë kashte ku të kapej. “E gjetaaaaa” bërtiti me të madhe, “do t’i telefonoj vetes sime. Ajo është gjithmonë e gatshme për mua sa herë kam nevojë”. Mori telefonin e tij dhe i ra numrit të vet. “Del i zënë” tha dhe u mërzit pafund. E provoi përsëri, e përsëri, e përsëri, por hiç. Pastaj shpërtheu me të madhe, “pse me del i zënë, ku dreqin jam, me ke mu*in po flas në këtë orë?”

Bërtiti aq shumë sa faqja e Dajtit u kujdes ta sillte zërin deri në Tiranë. Dhe ashtu, duke u futur mes pallatesh, penetroi nëpër skuta, dritare, antena, depozita uji, deri sa hyri në dhomën dhe më në fund në veshin e Fëuges. Ky i fundit u zgjua me shpejtësi, mori telefonin dhe i ra një numri, emrin e të cilit e kishte shënuar “shefi im i bukur”. U dëgjua një zë nëpërmjet telit.

—Alo, mirëmëngjes shef..?!?!

—Ike mer se me lujte mendsh.

P.s. Morali. Rëndë situata.” (V.G/SHUPLAKA)