Ish-deputeti Lefter Maliqi ka qenë i ftuar në studion e lajmeve të Fax News, ku ka folur në lidhje me zhvillimet e fundit politike, dhe me rikthimin e Ilir Metës në krye të LSI-së, ose e quajtur ndryshe si Partia e Lirisë.
Maliqi u shpreh se rikthimi i Metës në politikën aktive është pritur me entuziazëm nga mbështetësit e forcës politike që ai përfaqëson. Sa i takon akuzave për Metën si bashkëpunëtor i sigurimit të shtetit, Maliqi tha se ato janë shpikje që Edi Rama i bën nga frika e përballjes me opozitën.
Sipas Maliqit shumë shpejt vendi do të shkojë drejt zgjedhjeve, pasi socialistët në pushtetin lokal janë njoftuar për organizimin e strukturave. Sa i takon koncertit të organizuar dje në Tiranë, Maliqi u shpreh se mijëra punonjës të administratës u urdhëruan që të merrnin pjesë.
“Faktikisht të gjithë e dinë që unë në zgjedhjet e fundit jam rreshtuar me LSI, e cila së fundi ka bërë një sërë ndryshimesh së fundi. Unë jam pjesë e Komitetit drejtues deri në Shtator, vij nga qarku i Beratit, ku gjej rastin që të them se e kanë mirëpritur rikthimin e Metës, dhe presin mobilizimin e strukturave.
Lidhur me tymnajën e fundit, unë jam pjesë e politikës që prej 18 vitesh, Edi Rama i frikësohet 2 Marsit dhe 7 Korrikut, edhe ministrja e rendit është femër këtu, ish bashkëshortja e Edi Ramës.
E gjithë opozita është bashkë, ne e dimë se çfarë elektorati është në gjendje që të mbledhë zoti Ilir Meta. Dje u mblodh një pjesë e madhe e administratës që kishin urdhër që të dilnin në shesh. Nga Berati është nisur me autobusa administrata.
Ndryshimi do të bëhet, zgjedhjet janë afër, mua më thonë socialistët në pushtetin lokal që kanë nisur me porosi organizimin e brendshëm’, u shpreh Maliqi.
Discussion about this post