Efraim Diveroli, një nga emrat e lakuar të trafikut të armëve nga Shqipëria, është liruar nga burgu dhe ka rrëfyer disa nga të vërtetat sipas tij të trafikut të armëve.
Ai është një nga emrat e shumëpërmendur në çështjen e Gërdecit. Trafikanti amerikan i armëve u dënua nga shteti amerikan me katër vjet burg në 2011 pasi kompania që ai drejtonte i kishte shitur armë kineze të ndaluara Pentagonit, duke thënë se ato vinin nga Shqipëria.
Madje Diveroli nuk është mjaftuar vetëm me deklarat e bëra publike, por ka vazhduar më tej duke publikuar një libër autobiografik, në të cilin është ndalur gjatë në shumë nga çështjet me të cilat është i lidhur emri i tij. ‘’Dikur një trafikant armësh’’, kështu është titulluar libri i tij i sapodalë në treg.
Sipas asaj që raporton ”Balkanweb” Diveroli pas daljes nga burgu është parë të bëjë sërisht jetën luksoze që bënte para se të hynte në burg. Diveroli është gjithashtu një nga njerëzit që denoncoi lidhjen mes trafikut të armëve në Shqipëri me një figurë të rëndësishme politike. Në deklarimet e tij ai përfshirë indirect edhe djalin e ish-kryeministrit Berisha.
‘’Kjo ka shkuar shumë lart, te kryeministri dhe i biri. Unë nuk mund të luftoj dot këtë mafia. Është shumë e madhe. Ata kanë dalë jashtë kontrollit’’, shprehej në një telefonatë me Kosta Trebickën, Diveroli.
