Orët e para të mëngjesit të sotëm, këngëtari Françesk Radi është dërguar në Urgjencën e Tiranës në gjendje të rëndë shëndetësore. Rreth orës 03:30 të mëngjesit, në shoqërinë e bashkëshortes Tefta, mbesës Rozana Radi dhe të tjerëve të afërm, ai ka mbërritur në gjendje kritike për jetën.
Lajmi bëhet me dije nga një qytetar për “JOQ”, i cili bën të ditur se këngëtari ndodhet në reanimacion. Ai ka rrëfyer edhe atë që ka dëgjuar gjatë bisedës së bashkëshortes së Françesk Radit me një të afërm të tyre dhe apelin dëshpërues të saj.
“Ajo tha se ai ishte shumë mirë. Po flinim dhe Franko, (kështu e quante ajo) kishte filluar të gërhiste shumë, duke e shoqëruar gërhitjen me kollë. Tha pastaj që u zgjua dhe gërhitja nuk i pushonte. Mjekët i thanë që është hemoragji cerebrale. I kanë vënë një tub ne fyt se s’merr dot frymë vetë. Dëgjova edhe Teftën që ju thoshte njerëzve duke qarë në telefon “ejani ju lutem, Franko po mbaron.”, ka rrëfyer qytetari.
(XH.A/SHUPLAKA)
Discussion about this post