‘Fax News’ ka arritur të sigurojë pamjet nga aksidenti në Maminas ku mbetën të vdekur dy persona, Elena Abdillari dhe taksisti Bujar Agalliu pasi një Benz i goditi nga pas. Nga pamjet shihet se aksidenti ka ndodhur si pasojë e shpejtësisë së lartë. Policia shpalli në kërkim pas aksidentit shtetasin Fatjon Zhaporja dhe shtetasin tjetër Dardan Gjeka.
Sipas policisë viktima Elena Abdillari nuk ka pasur lidhje me Fatjon Zhaporjan as me Dardan Gjekajn.
Policia ka nisur dosjen hetimore në Prokurorinë e Durrësit. Hetimet paraprake tregojnë se ishte aksident. Grupi hetimor ka marrë në analizë pamjet nga kamerat e sigurisë së karburantit.
Elena Avillari 23-vjeçe po kthehej me taksi nga Durrësi në Tiranë mbrëmjen e vonë të mërkurës, pasi nuk ishte lejuar nga policia kufitare që të udhëtonte me traget në drejtim të Italisë. Gjatë kthimit për në Tiranë, taksia ku ajo po udhëtonte, me drejtues Bujar Agalliun, goditet nga pas në Maminas dhe përplaset me bordurat e karburantit ku si pasojë 23-vjeçarja Abdillari dhe shoferi i taksisë Bujar Agalliu gjetën vdekjen.
(B.H/Faxweb)
Discussion about this post