Ka përfunduar me sukses operacioni policor i koduar “Premtimi”, në Elbasan, duke vënë pranga dy shtetas, Musa Rama, 60 vjeç, lindur në Librazhd, dhe banues në Tiranë. Gjithashtu edhe Arben Hako, 51 vjeç, lindur dhe banues në Durrës, të dy shtetasit mësohet se janë dënuar edhe më parë.
Arrestimi i shtetasve është bërë pasi të dy personat ishin pjesë e një aktiviteti kriminal në fushën e falsifikimit të dokumenteve dhe ndihmës për kalim të paligjshëm të kufijeve kundrejt fitimit.
Nga burimet e policisë mësohet se janë sekusetruar pasaporta bimoerike, dokumenta dhe çertifikata të falsifikuara, si edhe 850 Euro.
Mësohet se të dy shtetasit në bashkëpunim me njëri- tjetrin kryenin këtë aktivitet kriminal prej disa kohësh në territorin e Shqiperisë, përkundrejt përfitimit ku mundësonin dërgimin e shtetasve të ndryshëm në drejtim të Anglisë, Gjermanisë e vendeve të tjera të Europës, duke e bërë të mundur me falsifikimin e dokumentave dhe përdorimin e formave dhe metodave të tjera, përkundrejt shumave në vlera 10 mijë deri në 16 mijë euro për person.
Pas sekusetrimit të këtyre materialeve, forcat blu kanë ushtruar edhe një kontroll në banesat e të dy shtetasve ku janë sekuestruar në cilësinë e provave materiale një automjet me targa AA 630 OD, shtatë telefona celularë, 14 pasaporta biometrike të shtetasve të ndryshëm, 80 copë dokumente në gjuhën Shqipe dhe Gjermane, 35 copë certifikata personale dhe familjare shtetasish të ndryshëm si dhe 13 copë certifikata shkolle dhe trajnimesh , dhe një sasi parash prej 850 euro .
Nga ana tjetër mësohet se po vazhdon puna hetimore ndaj personave të tjerë bashkëpuntor të impilikuar në këtë aktivitet kriminal. (E.V/Faxweb.al)
Discussion about this post