Policia Rrugore e Elbasanit ka intensifikuar kontrollet në të gjitha akset rrugore të qarkut me qëllim përmirësimin e sigurisë rrugore dhe për të parandaluar aksidentet. Përdorimi i teknologjisë moderne dhe aksioneve të shtuara ka sjellë ndëshkime për një numër të madh drejtuesish mjetesh që kanë shkelur Kodin Rrugor.
Kontrollet do të vijojnë me fokus të veçantë në parakalimet e gabuara, përdorimin e celularëve dhe drejtimin e mjeteve nën ndikimin e alkoolit, duke u apeluar për respektimin rigoroz të rregullave të qarkullimit.
📍Policia Rrugore e Elbasanit e pranishme 24/7, në të gjitha akset rrugore të qarkut me qëllim rritjen e parametrave të sigurisë rrugore 🚔.
Janë ushtruar kontrolle intensive në të gjithë qarkun duke përdorur pajisjet teknologjike, për të evidentuar dhe ndëshkuar shkelësit e Kodit Rrugor, që paraqesin rrezik për përfshirje në ngjarje rrugore.
✅Në kuadër të Plan-Operacionit “ROADPOL” për evidentimin e drejtuesve të mjeteve, që drejtojnë mjetin nën ndikimin e alkoolit/në gjendje të dehur:
🔹️janë arrestuar 16 drejtues mjetesh për drejtim mjeti në gjendje të dehur;
🔹️janë ndëshkuar administrativisht 85 drejtues mjetesh për drejtim mjeti nën ndikimin e alkoolit.
✅Gjithashtu, gjatë 2 javëve të muajit shkurt, si rezultat i monitorimit të akseve rrugore të qarkut, me shërbime të shtuara dhe me pajisje të logjistikës bashkëkohore, janë ndëshkuar në total 4081 drejtues mjetesh, konkretisht:
🔹️Janë ndëshkuar 862 drejtues mjetesh për parakalime të gabuara;
🔹️Janë ndëshkuar 620 drejtues automjetesh për mosvendosjen e rripit të sigurimit;
🔹️Janë ndëshkuar 430 drejtues mjetesh për përdorimin e celularit gjatë drejtimit të mjetit;
🔹️Janë ndëshkuar 109 drejtues motomjetesh për mosvendosje të kaskës mbrojtëse;
🔹️Janë ndëshkuar 1120 drejtues mjetesh për shpejtësi mbi normat e lejuara;
🔹️Janë ndëshkuar 320 drejtues automjetesh për ndalim ose pushim të automjetit në kundërshtim me sinjalistikën rrugore;
🔹️Janë ndëshkuar 620 drejtues mjetesh për shkelje të tjera të Kodit Rrugor.
Kontrollet e shtuara nga Policia do të vijojnë, në të gjitha akset rrugore urbane, interurbane dhe rurale, si edhe duke përdorur të gjitha mjetet bashkëkohore logjistike, me qëllim rritjen e parametrave të sigurisë rrugore.
Policia Rrugore e DVP Elbasan apelon për të gjithë drejtuesit e automjeteve që të zbatojnë me rigorozitet rregullat e qarkullimit rrugor,🚦🚸 të mos kryejnë parakalime të gabuara, të mos përdorin celularin dhe të mos drejtojnë automjetin në efektin e alkoolit apo në gjendje të dehur.
