Një emigrant afgan është autori i një krimi makabër ndodhur në Gjermani. Ngjarja e rëndë ka ndodhur më 16 tetor, por arrestimi u krye të premten.
Emrigranti afgan, identiteti i të cilit nuk bëhet i ditur, ka pranuar përdhunimin dhe vrasjen e vajzës së zyrtarit të lartë të Bashkimit Euorpian, studente mjekësie që punonte vullnetare në një qendër refugjatësh. Ajo është vajza e Dr. Clemens Ladenburger, avokat, krahu i djathtë i drejtorit juridik të Komisionit Europian.
Maria Ladenburger ishte duke u kthyer nga një festë në universitetin e saj në Freiburg, kur u sulmua. Trupi i viktimës që u përdhunua dhe mbyt, u gjet në lumin Dreisam. Autori i krimit të rëndë u kap pasi policia gjeti ADN-në e tij në shallin e viktimës. Veç kësaj, grupi hetimor gjeti edhe disa qime floku në një shkurre pranë vendngjarjes.
Pas arrestimit, emigranti 17-vjeçar u deklarua fajtor dhe pritet të dënohet vitin e ardhshëm. Ai mbërriti në Gjermani vitin e kaluar në cilësinë e një të mituri të pashoqëruar dhe u strehua në një familje në qytet. Mbetet ende e paditur nëse viktima ishte takuar më parë me të riun që i mori jetën.
