Emiri i Shtetit të Kuvajtit, Sabah Al-Ahmed Al-Jaber Al-Sabah ka uruar Presidentin e Republikës, Ilir Metën.
Në letrën e tij të urimit, Emiri i Shtetit të Kuvajtit, vlerëson marrëdhëniet mjaft të mira mes dy vendeve dhe shpreh bindjen në zhvillimin e forcimin e tyre në të gjitha fushat, me interes të përbashkët për të dy vendet.
“Kam kënaqësinë t’ju përcjell urimet më të sinqerta me rastin e fitores suaj në zgjedhjet presidenciale dhe betimit si President i vendit mik, Republikës së Shqipërisë.
Dëshiroj të shfrytëzoj këtë moment për të vlerësuar marrëdhëniet mjaft të mira që lidhin dy vendet tona mike, dhe shprehjen e sigurisë për angazhimin tonë të përhershëm, si dhe zhvillimin e forcimin e tyre në të gjitha fushat, me interes të përbashkët për të dy vendet.
I uroj Shkëlqesisë Suaj shëndet të plotë dhe lumturi, Republikës së Shqipërisë e popullit të saj mik progres dhe prosperitet, si dhe zhvillim të mëtejshëm të marrëdhënieve të ngushta ndërmjet dy vendeve tona!”, thuhet në mesazhin drejtuar Metës. (D.D/Shuplaka)
