Presidenti i vendit Gjorge Ivanov nuk e ka mandatuar ende për krijimin e qeverisë por lideri i LSDM-së Zoran Zaev ka prezantuar programin qeveritar në një konferencë për shtyp.
“Maqedonia duhet të ecë përpara. Sot jam para jush për ta prezantuar programin qeveritar. Qeveria e re do të angazhohet për anëtarësim në NATO dhe BE. Ndërkohë që do të bëjmë përpjekje maksimale për zgjidhjen e krizës. Askush nuk ka të drejtë t’i bllokojë proceset demokratike. Qytetarëve të RM-së iu duhen paga më të mëdha. Shumica e qytetarëve kanë dhënë besimin në zgjedhje. Qëndroj fort pas këtyre përcaktimeve tona. Si politikan me përgjegjësi të lartë, që mori mbështetjen nga shumica e qytetarëve, sot jam këtu para jush për të prezantuar programin qeveritar. Kjo lojë e rrezikshme e Gruevskit dhe Iavnovit, nuk duhet të vazhdojë t’ju shqetësojë edhe më tej”, deklaroi Zaev. (J.V/Shuplaka)
Discussion about this post