Mediat në Kosovë raportojnë se Albin Kurti ka nisur në orën 16:00 në ambjentet e Kuvendit një takim me përfaqësuesit e Listës Serbe, takim i cili është konfirmuar edhe nga përfaqësuesit e Lëvizjes Vetëvendosje.
Nga kjo e fundit kanë deklaruar se ky takim me Listën Serbe është në kuadër të bisedimeve për krijimin e qeverisë së re, ndërkohë që dihet tashmë se qevria e Kosovës e ka të parashikuar në ligj që duhet të përfshijë në kabinetin e saj edhe përfaqësues nga pakicat.
Ditën e sotme nuk është njoftuar për ndonjë takim mes Kurti dhe Isa Mustafës ndërsa afatet për krijimin e qeverisë së re janë drejt përfundimit. Takimi i fundit mes tyre ndodhi dy ditë më parë ku ishin të pranishëm edhe ambasadorë të vendeve të QUINT-it që rezultoi pa marrëveshje.
“Kryetari Albin Kurti, në kuadër të bisedimeve për të krijuar qeverinë, përveç diskutimeve intensive me partnerin kryesor qeverisës, LDK-në, do të takohet edhe me përfaqësuesit parlamentarë të minoriteteve, përfshirë edhe minoritetin serb. “Me këta të fundit do të diskutohet programi qeverisës sidomos në fushat që kanë impakt në jetën e këtij komuniteti. Po ashtu do të diskutohet edhe për propozimet e z. Kurti sa i përket drejtuesit të ministrisë që do të drejtohet nga dikush prej minoritetit serb, siç garanton kushtetuta”, është bërë e ditur nga zyra për media e LV-së.
(F.GJ/FAXWEB.AL)
Discussion about this post