Kryeministri Edi Rama sërish ka replikuar me ndjekësit e tij në Facebook, të cilët e kanë sulmuar pas një statusi, ku ai shprehte arsyet se përsë duhej shkarkuar drejtori i ALUIZNIT në Berat.
Një komentues shkruan se Shqipëria është infektuar nga korrupsioni dhe ky popull do Enver Hoxhën, pasi vetëm ai është doktori i këtij vendi.
“Shqipëria është infektuar nga korrupsioni dhe ska sherim.. Vetem nje njeri e ben kete vend shtet. Ky popull do Enver hoxhen vetem ai eshte doktorri i ketij vendi..”, shkruan qytetari.
Mirëpo Rama nuk ka qëndruar indifferent ndaj këtij komenti, të cilit i është kundërpërgjigjur qytetarit me batuta të një ironie të thellë.
“Tony Albanian ai doktori ty te mbyllte facebook-un, te shkulte ate varesen e gjate nga qafa, te thyente syzet Versaqe, ta rruante mjekrren megjithe mustaqe e te jepte lopaten ne dore ne shkoje te hapje kanalet kulluese! Si te duket, e do akoma ate doktorrin?”, shkruan Rama.
Kujtojmë se një ditë më parë, gjatë takimit në Berat, një e moshuar u ankua se sorollatej prej 5 vitesh për legalizimin e banesës.
Gjatë ditës së sotme, kreu i ALUIZNI-t në Berat ia dha legalizimin të moshuarës pas urdhrit të kryeministrit. (D.D/Shuplaka)
Discussion about this post