Erdogan i shqetësuar pas vrasjes së Kasem Sulejmanit: Paqja dhe stabiliteti janë në rrezik

Presidenti i Turqisë, Recep Tayip Erdogan e sheh me shqetësim situatën e krijuar mes Shteteve të Bashkuara të Amerikës dhe Iranit pas vrasjes së gjeneralit Kasem Sulejmani.

Sipas medias turke “Anadoly Agency”, Erdogan mendon se paqja dhe stabiliteti i rajonit janë në rrezik pas kësaj ngjarjeje. Ai thekson se Turqia ka bërë ç’është e mundur që të ketë sa më pak tensione mes SHBA dhe Iranit.

“Si Turqi, kemi treguar përpjekje serioze deri më sot për të pakësuar tensionet SHBA-Iran. Jemi duke ndjekur me shqetësim rreziqet e afërta që ka krijuar vrasja e Soleimanit në aspektin e paqes dhe stabilitetit të rajonit tonë. Turqia gjithmonë ka qëndruar kundër ndërhyrjeve të jashtme në rajon dhe këtë sulm e vlerësojmë në këtë drejtim”, tha midis të tjerash Recep Tayip Erdogan.

(M. I./ Faxweb.al)