Ditën e djeshme Erion Veliaj ftoi artitët në një dëgjesë për Teatrin Kombëtar.
Veilaj u dërgoi ftesë artistëve për të arritur një debat konstruktiv mes palëve, për një të mirë të përbashkët, siç tha dhe ai vet.
Por me sa duket kryebashkiaku nuk ka ftuar të gjithë artistët, por vetëm një pjesë të tyre.
Një prej të “përjashtuarave” ka qenë edhe regjizorja e këtij Teatri, Elma Doresi, e cila në një status në Facebook shkruan: “Lajmin për dëgjesën mbi Teatrin e mora vesh tani nga statuset e miqve. Ftesat i paska bërë vetë Kryetari i Bashkisë”.
“Më vjen mirë që shoh kolegë nga të gjitha brezat, por kryetar unë vazhdoj të jem regjizorja e Teatrit Kombëtar dhe bashkë me miqtë e mi që kemi punuar këto vite mendoj se duhet të ma kishe dërguar edhe mua këtë ftesë”, shkruan regjizorja e “Zbutja e Kryeneçes”.
Ndërkohë, regjizorja nuk është e vetmja që nuk ka marrë një ftesë për dëgjesën publike, pasi edhe aktori Klod Hoxha, në seksionin e komenteve shprehet se nuk ka marrë një ftesë.
(E.V/Faxweb.al)
Discussion about this post