“Eskorta e Metës ia bleu votat PD-së”, Ndreu shpërthen në akuza pas mandatit të Tushajt në Lezhë

Deputeti i PS-së, Pjerin Ndreu ka reaaguar pas rezultateve të deritanishme të publikuara nga KQZ ku PS dhe PD po garojnë fuqishëm. Ende kanë mbetur shumë kuti për tu numëruar, mirëpo Ndreu, i cili fitoi mandatin e tij, e cilëson rezultatin e deritanishëm si një fitore historike.

Mirëpo Ndreu nuk ka hezituar të sulmojë LSI-në për mandatin e Viktor Tushajt. Sipas Ndreut, eskorta e Metës i bleu votat nga Partia Demokratike.

“Rrethi Lezhe ne nje rezultat historik. 1610 vota para PD. Nje falenderim per te gjithe ata burra e gra, djem e vajza, anetare te PS, simpatizant, shok e miq qe dhane gjithshka per kete fitore e cila eshte 1300 me shume se ne 2013. Nje mandat rreshqiti te matrapazet qe me eskorten e Presidentit e me thaset e lekeve blene nje pjese te PD se shpartalluar ! Por ne do ecim para per te cmontuar cdo tumorr politik ne trupin e brishte te popullit lezhjan si detyrim per ti kthy dinjitetin e neperkembur. Duhet te keni besim se do bejme me te miren e mundeshme per te bere ate qe duhet nen drejtimin e kryeministrit Edi Rama. Miremjohje e respekt per gjithe popullin lezhjan !”, reagon Ndreu. Kujtojmë se deri më tani në Lezhë, PS ka 3 mandate, PD 3 ndërsa LSI 1.(D.D/Shuplaka)