Gjatë kësaj dite, Euro ka shënuar një tjetër rënie të fortë, pasi ka zbritur në 135.07 lekë, 0.42 lekë më pak se një ditë më parë.
Në bursat ndërkombëtare ka ndodhur e kundërta, pasi euro e ka marrë veten sot edhe pse dje arriti në nivelin më të ulët të 13 viteve.
Por në tregun e brendshëm, euro ka arritur në nivelin më të ulët që nga tetori i vitit 2009.
Sipas Revistës Monitor, monedha e përbashkët pritet të jetë e dobët dhe gjatë javës së ardhshme, si rrjedhojë e afrimit të datës 20, kur paguhen sigurimet, por edhe për shkak të prurjeve sezonale nga emigrantët që pritet të vijnë për festa. Rënia e euros mendohet se do vijojë deri në datat 25-26 dhjetor.
Sipas disa eksperteve, hyrja e euros në vend si pasojë e shitjes së hashashit, konsiderohet nga disa ekspertë si arsyeja kryesore që po e zbret euron në nivelin më të ulët të 7 viteve, raporton revista ekonomike.
Që kur Rezerva Federale prezantoi normat më të larta të interesit, tregjet financiare globale kanë qenë të lëkundura, si pasojë është forcuar dollari.
