Prej disa ditësh Forumi Rinor Eurosocialist Shqiptar ka ndërmarrë nismën “FRESSH DHURON”. Në hollin e Partisë Socialiste, por edhe në të gjitha bashkitë e vendit, ishin të shumta dhurimet të cilët pjestarë të këtij forumi por edhe mjaft individë të tjerë bënë në vetëm katër ditë.
Fushata e Forumit Rinor Socialist nuk u mjaftua vetëm në Tiranë por u shtri në të gjithë Shqipërinë, aty ku edhe ka struktura të këtij forumi.
Ndihma janë shpërndarë për mjaft kategori si: për pensionistët, për persona me aftësi të kufizuar, për familjet rome, për gratë kryefamiljare, etj.
Iniciator i kësaj nisme ishte edhe kryetari i FRESSH, z. Eljo Hysko. Ai së bashku me disa prej pjestarëve të FRESSH, ishin sot në fshatin Yrshek të Elbasanit ku dhuruan mes të tjerash edhe një lavatriçe për familjen Arjani, e cila ndodhet në vështirësi ekonomike.
Kreu i FRESSH u njoh me historinë e kësaj familje, e cila jeton në kushte të vështira, përmes mediave. Ky akt me siguri ja lehtëson sadopak mundin kësaj familje të varfër.
Postimi i plotë i kryetarit të FRESSH, Eljo Hysko:
Këto ditë të fundit të vitit kemi vendosur t’i kalojmë pranë atyre që më së shumti kanë nevojë për mbështetje.
Ishim sot në Elbasan, në fshatin Byshek, pranë familjes së Arjanit, historia e të cilit u bë e njohur pak ditë më parë në media.
Arjani, së bashku me tre fëmijët e tij jetojnë në kushte të vështira, pasi mamaja e fëmijëve është larguar disa vite më parë nga banesa. Babait i duhet që përveçse të sigurojë jetesën, edhe të kujdeset për shtëpinë e fëmijët.
I dhuruam kësaj familjeje ushqime, rroba, lodra, një lavatrice e disa batanije, me dëshirën që ky kontribut i vogël t’i lehtësojë sado pak mundin dhe shpresën se viti i ri do të jetë sadopak më i lumtur për ta. (A.R/SHUPLAKA)
[ngg_images source=”galleries” container_ids=”470″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post