Brisida Shehaj ka qenë një drejtoreshë e rendësishme gjatë qeverisjes së Edi Ramës. Me një profil të lartë publik, në krye të Tatimeve, Shehaj ka qenë shpeshherë objekt shkrimesh në mediet shqiptare.
Ajo dha dorëheqjen, duke marrë për disa kohë rolin e zëvendësministres së Ministrisë së Zhvillimit Ekonomik, post të cilin e la kohë më pas, pikërisht nëntorin e vitit të kaluar.
Dje Hashtag.al publikoi disa dokumente shumë të rëndësishme, që tregonin se si një tjetër drejtoreshë gjatë qeverisjes së tij, lidhej me një prej sipërmarrësve që ka fituar mesatarisht 100 tendera në vit nga Rama, Vilma Nushin.
Shpresa Bello, drejtoresha e Farmaceutikës në Ministrinë e Shëndetësisë, ka përfituar miliarda nga koncensionet dhe prokurimet dhëna nga ministria në 4 vitet e fundit, nëpërmjet kompanisë ”Pegasus”, e cila ka patur drejtuese të ëmën e saj Nazife Bellon.
Në skenë del familja Bello. Po cilët janë ata? A kanë lidhje me familje apo emra të tjerë në poste kyçe të vendosur nga Rama?
Shpresa Bello është vajza e Nazife Bellos dhe Pajtim Bellos. Drejtoresha e Farmaceutikës ka lidhje familjare pikërisht, me ish-drejtoreshën e njohur të Ramës, Brisida Shehajn, pasi është martuar me të vëllanë.
Pajtim Bello ka qenë zëvendësministër i Ministrisë së Energjisë dhe kreu i Këshillit Mbikëqyrës të OST-së. (V.G/SHUPLAKA)
