Kryeministri Edi Rama ka lajmëruar se në fillim të vjeshtës do të nisin fluturimet me “Air Albania” drejt Europës.
Madje Rama ka publikuar edhe çmimet e biletave duke kërkuar që qytetarët të rezervojnë që të fluturojnë me “Air Albania”.
“AIR ALBANIA DREJT QIEJVE TË EUROPËS
Nisin me Italinë në fillimvjeshtë, fluturimet e kompanisë kuqezi drejt qiejve të Europës.
Hë tani jepini, filloni shani e përqeshni sa të doni, si zakonisht? Po të paktën, futeni mirë në kokë, se kur unë them KJO DO BËHET, është vetëm çështje kohe, pune, mundimi e durimi, por fjalën time s’e merr kurrë era?
Dhe mos e harroni, se nga e thëna në të bërë është në mes një det i tërë; herë i ngushtë e herë i gjerë, herë i qetë e herë me trazime që të vonojnë; nganjëherë edhe me furtuna e tallaze që të ndryshojnë trajektoren, po jo qëllimin nëse nuk dorëzohesh?
Prandaj BESIM dhe DURIM miq, se do t’i bëjmë, së bashku, të tëra ato që kemi në dorë t’i bëjmë për Shqipërinë që duam????”- shkruan kryeministri Rama.
