Fiori Dardha: Hipokritë që të vrasin natën e të qajnë ditën! ”Uh duhet te ketë ndonjë ‘sponsor’ se u bë njeri kjo”, e gjithë kjo situatë ta shpif!

Fiori Dardha, moderatore e emisionit investigativ ”Boom” në ”Ora News” ka bërë një rrëfim të fortë sot për atë që sheh përreth e që i duket hipokrizi e gjallë.

Bashkë me rrëfimin, për ne vjen dhe një mesazh i fortë nga ajo që ndodh mes personazhesh publikë.

”Nuk mund të jenë të gjithë “ZEMRA”! “Ylli – Shpirti – Zemra – Sa i/e mirë je” – dëgjojmë shpesh personat publike t’i drejtohen njëri-tjetrit e me të kthyer krahët shpërthejnë “Aman, se nuk e duroj dot! – Kur bën edhe kjo/ky që s’bën një lek! – Uh, duhet të ketë ndonjë ‘sponsor’ se u bë njeri kjo”! E gjithë kjo situatë ta shpif! Hipokritë që të vrasin natën e të qajnë ditën!”, shkruan Dardha.

Moderatorja, me përvojë të gjatë në televizion shkruan se ka personazhe publikë që janë të gatshëm të shkelin mbi kufoma.

”Personazhe publike që janë të gatshëm të shkelin edhe mbi kufoma për të arritur qëllimet e tyre e ndërkohë shiten si shenjtorë! “YLLI” për një dalje në TV!

“SHPIRTI” për të siguruar një ftesë nëpër emisione.

“ZEMRA” për të kapur një kopertinë (megjithëse në ditët e sotme një kopertinë mund ta blesh).

Nuk mund të na pëlqejnë të gjithë e të pëlqehemi nga të gjithë! Nuk mund t’i duam të gjithë e të na duan të gjithë!  Preferoj që “armiqtë” e mi t’i kem publikë, duke e thënë hapur mendimin tim, pa i puthur përballë e derdhur mllef pas krahëve, siç ndodh rëndom. Kaq vite në TV më kanë mësuar që sa më shumë “ZEMRA” të dëgjosh, aq më i madh është inati. Lum kush suksesin e tij ia ka besuar punës e talentit dhe jo daljeve nëpër kopertina, portale, servilosjes, lëpirjes e shtirjes.”, përfundon Dardha.

Moderatorja ka bërë shpesh deklarata të forta në profilin e saj, të cilat kanë marrë një mbështetje të madhe në hapësirat virtuale. (V.G/SHUPLAKA)