Në çadrën e opozitës në bulevard, kreu i PD Lulzim Basha kishte ftuar pasditen e sotme artistë e poetë, si dhe studentë që kanë përfunduar studimet e larta jashtë vendit.
Të pranishëm ishin tenori Agim Hushi, Raina Kovaçi, Edmond Zhulali dhe të tjerë.
Atmosfera u ndez së tepërmi nga poeti i njohur Agim Doçi, i cili recitoi një poezi të krijuar nga vetë ai për situatën që ndodhet Shqipëria.
“Flet Donaldi në Uashington, ju kam dhi në koalicion. Në flamur të Amerikës si simbol 52 yje ju do ikni prej frikës, dhe një Yll që u bë burrë e shkarkuat të mërkurë”.
Me këtë poezi të shkurtër, poeti Agim Doçi bëri një ekspoze të skenës politike shqiptare, duke përmendur ambasadorin amerikan Donald Lu si dhe ish-ministrin e Drejtësisë Ylli Manjani që u shkarkua nga Kryeministri Edi Rama pas akuzave që bëri hapur ndaj tij dhe një pjese të qeverisë.
(M.D/ Shuplaka)
