Bashkëthemeluesja e partisë LIBRA, Mimoza Hafizi e tregon arsyet që e shtynë në krijimin e partisë së re dhe ndarjes nga Partia Socialiste.
“Mua mu kërkua që në këmbim të përfundimit të betejës politike të vazhdoja të isha deputete, por unë e refuzova. Për të dalë nga mazhoranca dhe opozita kërkon një sakrificë të madhe.”, u shpreh Hafizi.
Sipas Hafizit e cila foli për një televizion informativ, mungesa e demokracisë dhe thyerja një nga një e rregullave brenda për brenda partisë, ishin motivet kryesore që e çuan atë dhe ish-deputetin e PS-së, Blushi të reagonin duke hapur një parti të re.
Ndër të tjera, Hafizi shton LIBRA nuk do të trashëgojë asnjë cilësi të partive të vjetra.
“Partitë e reja që po krijohen janë shprehje e etjes për demokraci. Pasi këto parti nuk lënë shteg për demokraci brenda partisë. LIBRA si parti e re ka lindur në dy faza: ajo e reaksionit, shkëputje nga PS e dy deputetëve, ne reaguam kundër mungesës së demokracisë. Këto rregulla të shkruara në statutin e PS, u thyen një nga një. Ne kishim një betejë konkrete. Kjo ishte faza e parë. Kur ne e pamë dhe e treguam para të gjithëve se brenda PS nuk kishte shpresë funksionimi, u shkëputëm nga kjo parti dhe lindi LIBRA që inspiron të mos trashëgojë asnjë cilësi të këtyre partive të vjetra” u shpreh deputetja. (D.D/Shuplaka)
Discussion about this post