Deputetja e LSI-së Floida Kërpaçi është shprehur për “Fax News” se momenti më i vështirë si deputete ka qenë kur ka hyrë në parlament dhe ka parë programin e PS-së. Sipas saj ishte thjesht një karton dhe se aty e kuptoi sesa të vështirë e kishte detyrën si deputete.
“Ne kemi denoncuar që në fillim situatën që po ndodhte në Policinë e Shtetit pasi nuk ishte një situatë normale për blerjen e votave dhe kjo u pasua me thirrjen e Ramës për punonjësit e policisë që të përfshiheshin në zgjedhje. Pa u larguar Edi Rama dhe ai që do të vijë të njëjtën gje do të bëjë. Koka e gjithë kësaj gjejë dhe ai që bën strategjinë me trafikantët është zoti Rama dhe kjo nuk ka asnjë dyshim.
Të qenit deputete është një detyrë e madhe , ndryshe nga ajo që shohim nga jashtë. U ndjeva e shokuar nga programi i PS-së kur hyra në parlament. Ishte thjesht një karton, aty e kuptova se sa e vështirë do të ishte ky realitet sidomos edhe për të rinjtë. Do të ishte një detyrë jashtëzakonisht e vështirë pasi duke marrë parasysh atë që ke përballë. Kur shkon atje dhe nuk gjen rendimin e ditës por krjet diskutime të tjera, është shokuese. Është një detyrë shumë e lartë dhe duket folur seriozisht përproblemet që ka vendi jonë.”, u shpreh Floida Kërpaçi. (J.V/Faxweb)
