Gazetarët ditën e sotme kanë mbajtur një protestë para godinës së Prokurorisë së Përgjithshme duke i kërkuar Prokurores së Përgjithshme të Përkohshme Arta Marku të shkarkoi truprojën e saj dhe gjithashtu një ndjesë publike.
Protesta është nxitur prej dhunës që truproja i Markut ka ushtruar ndaj gazetarit Renaldo Salianji gjatë kohës që ky i fundit ishte në orarin e punës.
Por ajo që është vënë re ditën e sotme është fakti se asnjë nga televiziont nuk ka qënë në protestën e gazetarëve për t’a trasmetuar atë.
I vetmi televizion që e ka përciell live protestën e gazetarëve për të gjithë teleshikuesit ka qënë Fax News, duke qënë kështu jo vetëm një media transparente por gjithashtu një media e gatshme për të qënë përkrah gazetarëve dhe të drejtave të tyre.
Vlen për t’u theksuar se përpos mediave kombëtare, por jo vetëm, mungonin gjithashtu në protestën e sotme të gazetarëve edhe ‘Shoqata e Gazetarëve’.
‘Braktisja’ nga ana e pronarëve të mediave por edhe nga ana e ‘Shoqatës së Gazetarëve’, tregon hapur mungesën e mbështetjes dhe respektimit të gazetarit, duke bërë kështu që figura dhe integriteti i tyre të jetë i cënueshëm në çdo moment.
Duket se përpos reagimeve të gazetarëve të rinjë, të moshën 20-26 vjeç të pakt kanë qënë ata gazetarë, tashmë të vjetër në profesion që kanë reaguar.
Ditën e sotme më anë të një postimi në Facebook, drejtoresha e Fax News, Nertila Spiri, ka reaguar duke u shprehur se: Te injorosh gazetaret e terrenit që mbajnë në këmbë redaksitë është më e rëndë se dhuna mbi ta. Asnje TV nuk e transmetoi live, përjashto FaxNews, sigurisht nuk mund të mungonte Zëri i Amerikës.
Gjithashtu një tjetër reagim ka ardhur dhe nga gazetare Ervina Shehaj e cila me një status në llogarin e saj në Facebook ka dënuar pronarët e mediave të cilët jo vetëm që injoruan veten e tyre por dhunuan edhe njëherë gazetarët.
(s.a/faxweb.al)
Discussion about this post