Ai sot është kryetar Kuvendi. Madje burrë i ‘rëndë’ në radhët e politikës. Por ja që ndodh që në ceremoni si e sotmja, për nder të dëshmorëve të atdheut, ndoshta nuk ka marrë masat e duhura. Shiu që filloi, nuk i lejoi krerët e shtetit të kryenin ceremoninë pa çadra.
Nëse Edi Ramës ia mban çadrën bodiguardi, e presidentit të Republikës, Shvarci i protokollit, për kryetarin e Kuvendit Gramoz Ruçi, kujdeset një vajzë, për t’i mbajtur një çadër të vogël të kuqe, që në gjuhën e përditshme u thuhet “çadër grash”.
Eshtë vajza që merret me protokollin e Kuvendit, quhet Enkeleda Pano, dhe ka mbi pesë vjet që punon me protokollin e Kuvendit. Në fakt, nuk duhet të ketë qenë kjo detyra e Enkeledës, por të ndodhur përballë një të papriture të tillë, Enkeleda, është detyruar të mbajë çadrën e shefit të saj, raporton newsbomb.al.
Discussion about this post