Ndeshja mes Zvicrës dhe Danimarkës ka marrë vëmendjen e të gjithë botës së futbollit. Shkak për këtë janë bërë 6 golat e shënuar, si dhe kthesa që u bë në minutat e fundit të ndeshjes.
Zvicra ishte në avantazh 3 me 0, me gola të shënuar nga Freuler, Embolo dhe Xhaka, që realizoi një gol spektakolar. Por brenda nëntë minutash, gjithçka ndryshoi.
Danimarka shënoi tre gola duke nisur nga minuta e 84, 88 dhe 93, duke shtangur zviceranët.
Të trullosur nga kjo ndeshje ishin jo vetëm lojtarët dhe tifozët, por edhe media.
Televizioni publik RTS e bëri shqiptar lojtarin Kevin Mbabu, duke i vendosur flamurin tonë tek titrat e emrit. Nuk kanë faj, kanë shumë shqiptarë aty.
