FOTOT/ Sherri me grushta brenda Bashkisë, Policia ”zbarkon” dhe shoqëron kryebashkiakun

Në Bashkinë e Dibrës ka pasur përplasje fizike mes punonjësve, ndërsa janë shoqëruar në Polici disa persona.

Sherri ka ndodhur në ambjentet e brendshme të Bashkisë,gjatë një mbledhje të administratës, ndërsa si shkak mendohet të ketë qenë drejtori i burimeve  njerëzore. Drini Mataj prej një muaj ka qenë i komanduar në këtë detyrë. 

Në Polici është shoqëruar dhe kryebashkiaku Muharrem Rama, së bashku me disa punonjës të tjerë. Kanë qenë dy furgona policie ata që kanë bërë shoqërimin e punonjësve.

Mes punonjësve të Policisë që kanë marrë pjesë në aksion ka qenë dhe vetë kreu i komisariatit të Dibrës, raporton ‘’Faxweb”.

Siç shihet edhe nga fotot siguruar nga ”Faxweb” shihet se jashtë ambjenteve të Bashkisë ka një numër të shtuar edhe të qytetarëve kuriozë. Po ashtu shihen edhe disa punonjës të Bashkisë dhe Policisë. 

(E.K/FAXWEB)