FOTOT/ Tragjike në Shkodër, 22-vjeçari humb kontrollin e mjetit dhe përplaset me pemën

Një aksident me pasojë vdekjen ka ndodhur në orët e para të mëngjesit të sotëm në Shkodër.

Aksidenti ka ndodhur në aksin Shkodër-Hani i Hotit, në fshatin ‘’Shtoj i Ri”. Për pasojë një i ri ka humbur jetën.

Shkak i aksidentit dyshohet të jetë bërë humbja e kontrollit të mjetit dhe përplasja e tij me një pemë anës rrugës.

Sipas burimeve të ‘’Faxweb” viktima është Semjad Bajramaj, rreth 22-vjeç. AA615NP targa e mjetit ‘Opel’ ku udhëtonte i riu. 

Policia ka gabuar në identifikimin e viktimës pasi ka gjetur në makinë kartën e identitetit të shokut të tij dhe e ka raportuar atë fillimisht me inicialet F.C. 

DETAJET: 

Me datë 01.02.2018 rreth orës 06:30 ka ardhur një telefonatë se në aksin rrugor Shkodër – Koplik në vendin e quajtur Shtoj Ri ka ndodhur një aksident.

Menjëhere kanë shkuar shërbimet e policisë dhe sherbimet M. N. Z ku kanë konstatuar se mjeti me targë AA 615 NP është përplasur me një pemë në anësore të rrugës ku ka gjetur vdekjen drejtuesi mjetit, shtetasi F. C. 22 vjeç, banues në Koplik, i cili është dërguar në morgun e Spitalit Rajonal Shkodër.

Në vendngjarje ndodhet grupi hetimor për sqarimin e rrethanave të aksidentit.

(E.K/FAXWEB)