Portieri i Belgjikës, Thibaut Courtois ishte kritiku më i fortë ndaj Francës, një ditë pas eliminimit të Belgjikës. Ai deklaroi se kalimi i Francës në finalen e Kupës së Botës ishte një turp.
“Franca ishte për turp, luajtën anti-futboll. Nuk ishte aspak bukur të shihje të kalonte në finale një ekip që nuk ishte më i mirë se ne”-kështu u shpreh portieri i Belgjikës.
Ndërsa nuk ka vonuar reagimi nga kampi tjetër, ku Griezmann i është përgjigjur kritikave të Courtois në një konferencë për shtyp para finales me Kroacinë.
Fjalët e lojtarit të Atletico Madrid ishin si vijon: “Kurtua ka luajtur tek Atletiko dhe ka fituar një kampionat me Çelsin, që mendoj se luan si Barcelona. Ne nuk na intereson se si do fitojmë, thjesht duam të shënojmë dhe të fitojmë.”
