Ish-kryeministri Sali Berisha ka lëshuar një deklaratë të fortë pak minuta më parë ku duke ju referuar vendimit të KLP-së për hapjen e garës për zgjedhjen e Prokurorit të ri të Përgjithshëm, ka deklaruar se kryeministri Edi Rama ka zgjedhur kunatin e tij në intstitucionin e akuzes.
Sipas tij, “Jashtë çdo kriteri ligjor dhe kushtetues, sot Kunat KLP vendosi për për të zgjedhur zëdhënësin e ramës për institucionin e akuzës duke përjashtuar nga gara të gjithë kandidatët për këtë post që nuk kanë mbrojtur doktoraturën”, shkruan Berisha.
Sipas Berishës, “këtë kriter e plotëson Kunati në krye të KLP, ndrikull Ina Rama dhe tezaku i saj Olsi Çela”.
Postimi i plotë i Berishës në rrjetet sociale:
Krye, krye kreu i Meduzes, Edvin Kistaq Urrejtja zgjodhi sot zedhenesin e tij ne institucionin e akuzes!
Miq, sot Kunat KLP vendosi per te zgjedhur zedhenesin e Rames per institucionin e akuzes. Per te realizuar kete, Kunat KLP, jashte çdo kriteri ligjor dhe kushtetues, vendosi sot qe te perjashtohen nga gara te gjithe kandidatet per kete post qe nuk kane mbrojtur doktoraturen.
Miq, ky eshte kriter unikal ne bote. Ky kriter akademik vendoset vetem per vendet e hapura per drejtim katedrash apo institucionesh akademike kerkimore shkencore.
Burimet nga Kunat KLP njoftojne se kete kriter e ploteson Kunati ne krye te KLP, ndrikull Ina Rama dhe tezaku i saj Olsi Çela.
Tani emrin e zedhenesit te krye, krye kreut te Meduzes gjejeni vet. sb
Kujtojmë se gjatë ditës së sotme KLP miratoi rregulloren për kriteret dhe procedurën e zgjedhjes së kandidatëve për Prokuror të Përgjithshëm. Me vendimin unanim të KLP-së është shpallur hapja e garës për plotësimin e pozicionit të Prokurorit të Përgjithshëm në Republikën e Shqipërisë.
Sipas KLP-së, vetë rregullorja parashikon 4 kriteret kryesore për vlerësimin e kandidatëve (Lexo këtu).
Për Prokurorin e Përgjithshëm janë vendosur: kriteri profesional, kriteri moral dhe i integritetit, vlerësimi organizativ dhe drejtues si dhe elemente shtesë për vlerësim (përvojë në jetën akademike, tituj shkencesore).
(F.GJ/FAXWEB.AL)
Discussion about this post