Në këto ditë të fushatës zgjedhore, kemi dëgjuar për publikimin e disa sondazheve lidhur me rezultatin e zgjedhjeve të 25 qershorit. Sondazhe të cilat nxjerrin fitues kryeministrin aktual Edi Rama dhe Partinë Socialiste. Por lidhur me këto sondazhe është përmendur në disa media edhe emri i Afrim Krasniqit si i përfshirë, çka ka sjellë edhe një ragim të menjëhershëm nga ana e tij.
Sipas Gazetës Ekspress, duke iu referuar një ambasade në Tiranë, emri i së cilës nuk përmendet, Rama është ai që i ka porositur këto sondazhe ku ai del fitues. Ky portal përmend një sondazh të politologut Afrim Krasniqit, dërguar ambasadave, duke e akuzuar që është porositur nga Rama.
Mirëpo reagimi i politologut dhe pedagogut të njohur Afrim Krasniqi nuk ka vonuar. Sipas tij, të gjitha këto janë trillime ndërsa shton se pret një përgënjeshtrim nga kolegët kosovarë.
“Ne artikull anonim i cituar si burim nga Gazeta Express ne Kosove ka shkruar se une, Afrim Krasniqi, kam zhvilluar disa sondazhe te fshehta dhe ia kam derguar ato perfaqesime diplomatike. Truku i tyre shkon deri atje sa thone se kane edhe kopje te dokumentit. Zakonisht trillime te tilla nuk duhen marre seriozisht por pashe se ca kolege ne Tirane i kane marre! Une e mesova nga lajmet anonime ne media se une paskam bere sondazhe..! Ne fakt, nuk kam bere dhe as kam ndermend te bej asnje sondazh. Pres qe koleget ne Tirane ta verifikojne lajmin e marre te gatshem nga Kosova dhe ta pergenjeshtrojne ate meqenese eshte 100% trillim, sic pres qe koleget nga Prishtina ta pergenjeshtrojne sms e nisur nga financuesit politike ne Tirane dhe te tregojne minimunin e etikes profesionale. Kaq.”, reagon Krasniqi.
Përveç informacionit për lajmet e porositura, gazeta Ekspress kishte publikuar një sondazh të ri të realizuar nga trupi diplomatik, që paraqet një tjetër rezultat për zgjedhjet.
Sipas sondazhit në fjalë, Partia Socialiste në qarkun e Tiranës qëndron në krye me një diferencë të vogël nga Lëvizja Socialiste për Integrim, duke nxjerrë kështu të tretën Partinë Demokratike. (D.D/Shuplaka)
